Дар Қазоқистон сабуктар сохтани шуғли муҳоҷирони тоҷику ӯзбек пешниҳод шуд

migrantnews.info

Иштирокчиёни платформаи муколамавии назди Вазорати корҳои хориҷии Қазоқистон пешниҳод карданд, ки барои муҳоҷирон аз кишварҳои равуои бе раводид иҷозатнома барои фаъолият дар тиҷорати хурд бекор шавад. Дар ин бора хабаргузории “Фергана” иттилоъ медиҳад.

“Айни замон бе иҷозатнома муҳоҷиронро танҳо ба сифати коргар дар хона киро кардан имкон дорад. Дар ҳолатҳои боқимонда ба корфармо дар доираи квотаи ҳамасола барои ҷалби қувваи кории хориҷӣ иҷозатнома гирифтан зарур аст. Дар натиҷа аксарият бе шартномаи меҳнатӣ кор мекунанд ва вақте ки шартнома вуҷуд надорад, ҳуқуқ ҳам нест”, – гуфтааст намояндаи фонди ҷамъиятии “Ташаббуси байнулмилалии ҳуқуқӣ” Аина Шорманбоева.

Ба гуфтаи ӯ, фонд сабуктар кардани расмиёти ба кор гирифтани муҳоҷиронро пешниҳод карда, намояндаи Кумитаи хадамоти муҳоҷирати ВКД итминон додааст, ки “тавсия амалан иҷро шудааст”.

“Агар парлумон пешниҳоди ВКД-ро пазирад, тиҷорати хурд дар кишвар қонунӣ шаҳрвандони Ӯзбекистон ё Тоҷикистонро ба кор гирифта метавонад. Ин ба пешгирии ҳолатҳои сершумори вайронкунии ҳуқуқҳои муҳоҷирон ва коррупсия имкон дода, аз андоз маблағи зиёдтар ба буҷет ворид мегардад. Мо аз вакилони парлумон даъват мекунем, ки ин тағйиротро дастгирӣ кунанд, то ки ба миллионҳо одамон барои қонунӣ фаъолият кардан шароит фароҳам оварда шавад”, – гуфтааст Шорманбоева.

Қобили зикр аст, ки муҳоҷирони меҳнатӣ, асосан аз Ӯзбекистон ба душвориҳои зиёд дар Қазоқистон дучор мешаванд. Баъзан онҳо корҳои хатарнокеро иҷро карда, ҳуқуқашон риоя намешавад, лекин кам касон ба пулис муроҷиат мекунанд. Ҳамчунин ҳолатҳои ба ғуломӣ гирифтани муҳоҷирон низ кам нестанд. Корфармо ҳуҷҷатҳои онҳоро гирифта, маҷбуран кор мефармояд. Ғайр аз ин, чунин коргарон барои шуғли ғайриқонунӣ ба ҷавобгарии маъмурӣ кашида мешаванд.

Соли 2019 квотаи ҷалби қувваи кории хориҷӣ дар Қазоқистон ҳудуди 48,7 ҳазор ададро ташкил дод. То 1-уми ноябр ҳукумат ба хориҷиён беш аз 20,5 ҳазор иҷозатнома барои кор додааст.

Платформаи муколамавии назди Вазорати корҳои хориҷии Қазоқистон аз соли 2013 фаъолият дорад. Ҳайати он аз намояндагои мақомоти давлатӣ ва ҷомеаи шаҳрвандӣ иборат аст.

мубодила кардан:

Share on facebook
Share on twitter
Share on linkedin
Share on pinterest
Share on telegram
Share on vk
Share on odnoklassniki

ШАРҲ ГУЗОРЕД

Your email address will not be published.

Шабакаҳои иҷтимоӣ

Самое читаемое за неделю

Ахбори Азия-Плюс